ماهو افضل جهاز جوال لديك ((ارجوا المشاركه من الجميع))

[الفاضي]

طااااااااااااااااااط

السلام عليكم

يمكن تسالوا ليه وش سنع هالموضوع يالفاضي
انا اقولكم
=======
اولا:
عشان يصير عند الواحد خلفيه عن مواصفات الاجهزه وش افضلهن
وبعد اذا كان يبي مواصفات معينه بالجوال ما يتعب وهو يسال بس يجي هنا ويعرف وش احسن جوال عنده:D <<<<<ماقلتلكم ان الفاضي ذكي:D
=======
ثانيا وهو الاهم:
تحريك لهالمضيف الي امتلا غبار مافيه مشاركات
يمر الشهر والشهرين وما حد خذاله خته من هنا:mad:

لحظه:rolleyes: لحظه:rolleyes: اخبرلي مكنسه عند ابو سلطان دقايق اجيبه واجيكم يمكن فيه احد مريض بالربو:D
--------------------------------------------
فاصل الاعلاني:
الفاضي:يابو سلطان ما عندك مكنسه طارفه ابي انظف مضيف الاجهزه امتلاء غبار:D
المشرف العام:الا به وحد هناك خذه ونظف المضيف ورجعه تر ماعندنا غيره:D <<<<<ول صار يمون على المشرف العام
الفاضي: ابشر دقايق وارجعه بمحله

شششش شششششش ششششششش شششششش <<<الفاضي يكنس :D
------------------------------------------
الوكاد ما نبي نطلع عن الموضوع:D

الزبده هالموضوع يعتمد على مشاركاتكم
والمطلوب منكم ان كل واحد يحط افضل جوال بنظره ويكتب سبب اختياره هالجوال
مثلا ليش اختار الرهيب او المسكت او السوني اركسون او اي جوال
اعتقد كل شي واضح

وما بقي الا مشاركاتكم

ابي ابدى وانا انتظركم
=====
افضل جوال عندي ((النورس او زي ما يقولون له اهل الشرقيه ملاك:D او الاسم الاصلي له وهو 6510 ))

المميزات الي خلتن اختار هالجهاز

1- خفيف بالمره<<<<الخف رحمه:D

2- شكله حلو<<<<< يبي ينذخ ابو الشباب:D

3- بطاريته تبطي تقريبا يعني اذا كنت كارف عمر الجوال اكاليوم بالاتصالات يقعد اربع ايام بدون شحن واذا الاستخدام العادي تقريبا اسبوع:eek:

4- قليل الخراب اذا ما كان معدوم:D الجوال معي له حوالي 5شهور ونص والى الان ما طلب مني شي الا الشحن:D <<<<<يازين الدقه:D

5- سهل الاستخدام مايبي حرفنه:D

هذي هي المواصفات الي خلتن اختار هالجوال

=============

يالله جاء دوركم نبي التفاعل

تقبلوا تحياتي

طااااااااااااااو

[شموخ]

صراحه انا افضل

بعد النورس لانه صغير وشكله حلو اما من ناحية البطاريه هذه والله مانتبهت لها

واحلى شي في النورس صغر حجمه يعني تدخل الطالبه المحاضره وهو في يدها محد

راح ينتبه له وخصوصا للي عندهم دكتوره صايبتها عقده من دخول الجوال

المحاضره" حتى لو ابي احطه على الصامت ممنوع" اللي يشوفهن يقول مسجد مو قاعه محاضره

حتى الرهيب افضله لكن عيبه الوحيد انه كبير في الحجم ،ومادريتا حتى الغطاس حليو

ومشكور يالفاضي على هالموضوع
تقبل تحياتي

اختك ....شموخ

[فيصل اللويش]

بالنسبه لي

يازين تلفون البيت وبدون اصفار


وربي يهبل


<<---------------- مستحيل يتطور


:D :D :D


سلملم:D

[عبدالله المهيني]

من هو اللي مستحيل يتطور

أبو طلال تبيني أعلمك من هو اللي ماهو متطور صحيح

يازين (( البيجــــــــــــر ))

هاه وش رأيك الحين

[هند]

النورس ؟؟؟؟؟

الملاك ؟؟؟؟؟؟؟؟

الرهيب ؟؟؟؟؟؟؟؟؟

المسكت ؟؟؟؟؟؟؟؟؟؟؟

شكلي انا الي بسكت والله :eek:

<<<<<<<<< ما عرفت ولا اي نوع منهم :)

اقترح ان تذكر انواع الاجهزه كما هو متعارف عليها عالميا وليس محليا لتعم الفائده

ولو انه الموضوع بيصير فيه اعلان تجاري غير مباشر :)

اختكم ..

هــــند

[أماني]

هههههههههههههههه



يــــــــا قــــــــدمــــــــك بيجـــــــــر 000كح 000كح000كح00


غبـــــــــار 000:D :D


أحــــــــسن نـــــــــوع هـــــــو



تــــــا يقــــــر الأخــــــير


اولا بطــــــاريته أطــــــــــول


ثــــــانــياً يكــــتب كـــل حـــرف بلــــون أن بغيت :D :D



وحجــــــــمه اصـــــغير 00



ويخــــــزن رســـــــايل فوووق مـــــاتتصــــــور


:D :D :D :D :D :D :D :D :D :D :D :D



هــــــو مــــــن عـــــــيال نــــــــوكـــــــيا :D :D :D :D




تقـــــــــبل تحـــــــــياتي 0

[الفاضي]

طااااااااااااااااااااط

الفاضي وصل

=========
هلا اختي شموخ

صراحه انتي جبتيه
النورس((6510)) جوال خطير لدرجه اني من اول ما داومت الى العطله وانا اخذ الجوال بس المقرد اخويياي:eek: كل يوم كافشينهم خصوصا راعين الرهيب((6210))
وانا ماجربت الغطاس((5210)) بس يمدحونه خصوصا لاهل الشرقيه انا عندنا بحايل والله ما ينفع ما عندنا الا النفود وين نسبح:D

==============
هلا باخوي فيصل

اما تلفون البيت هذا ما يختلف عليه عشره:D وخصوصا اذا جاء الي يفر
بس الي مابه صفر ما ينفع
لازم مشيول الصفر والسبعه بعد:D

تحياتي
=============
هلا والله باالمهيني

بس حدد وشو البيجر:D لا يكون الفلبس الي تقل بلكه:D

مشكور على هالتفحيطه
=============
هلا والله بهند

معك حق هالحين بعضهم ما يدري وشو

النورس او ملاك 6510
المسكت او العصفور 3610
او الرهيب 6210
او العجيب 6310
او العجيب المطور 6310i
او الغطاس 5210
او المملكه 7210
او الداهيه 9210
او الداهيه المطور 9210i

شكلي طولته
الله هذا الي براسي هالحين وفيه بعد بعضه ناسي اسمه او حتى ما اعرف

مشكوره اختي على التوضيح
هالحين حددي جوالك
واذا هو من السوني t86
او السوني اركسون t86i

او من طقه السامسنج او غيره المهم حددي:D
ومن ناحيه دعايه بكيفهم المهم الواحد مننا يعرف مميزات الجولات عشان ما يبحل به اذا بغى يشتري جوال
يعني الاقربون اولى بالمعروف الا انا غلطان:D

مشكوره بعد على المرور
==============
اماني

تايقر :rolleyes: تايقر:rolleyes: تايقر ياربي وين انا شايف هالجوال والله نسيت انا اخبر الجوال بس يمكن الاسم غير عندنا ياليت تحطين رقم الجوال عشان اتذكره:D لاني ماراح انام الا اذا تذكرت وش هالجوال:D

مشكوره على المرور والدوريات
======

تقبلوا تحياتي
طااااااااااااااااو

[عبدالله المهيني]

أجل أعجبتكم سالفة هالبيجر اللي جايه هنا بالغلط

إلا على فكره وش رأيكم نسوي حفل تكريم للأخ بيجر

تروا الوفا حلو

الدوائر الحكومية تكرم المتقاعدين بس مشكله هالبيجر ماتحول للتقاعد

إلا بعد ماحولوا وزارة الإتصالات إلى شركة يعني قطاع خاص

أمــــــــــاني أجل كح ... كح ... كح

وصلك الغبار يعني ماعندك كاشف غبار على وزن كاشف رقم

ههههههههههههههههههههه

أخوي الفاضي

أنا صحيح طلعت عن صلب الموضوع لكن تحملنا

[aja]

لانه مثل الجيب يصبر على الكد ولكن اذكر احبتي ان بعض الناس هداهم الله يضعون جرس الجهاز موسيقا وهذا حرام لان اللجنة الدائمة للفتاء افتت بحرمة ذلك

[فوفو]

المهيني:D :D :D :D :D

اموووووت على الوفا اللى زي كذا :D :D

خلاص اسمك الجديد((الـــ مهيني ـــوافي))

اممممممممممم

اماني الظاهر التايقر هو دلع اللى سموه الحين بعد المملكة وسبب التسمية انه يشبه تصميم المملكة حقت الوليد:)

واللى فيه حلو انه حجمة زوين اكبر من العصفور واصغر من الرهيب ....

وفيه سطح مكتب ملون والأيقونات حقته شي زي الــ xp :rolleyes:

كاني حست:)

وتشكرتي اخوي الفاضي ....اول مااقرر اشتري جوال بعد مااسوي حفل تقاعد للبيجر حقي ...بجي هون:D

[الفاضي]

طااااااااااااط

الفاضي وصل

========
المهيني

لا عادي بس انت حدد وشو نوع البيجر:D

===========
هلا والله باخو اجا

والله صدق الرهيب مثل الجيب
لكن تخبر فيه ناس يحبون الصغير
تسلم على التفحيطه هنا
---------------------

هلا والله بفوفو
اهااااااااااااااااااااااااه يعني التايقر هو المملكه 7210 وانا اقول وين انا سامع بالجوال

لا بعد نزل جوال جديد منافس للمملكه وهو الفيصليه 6610 وهالجوال شكله فخم وبعد كبر المملكه ومافيه فرق
الظاهر قلبت الدعوى مجاكر نزل المملكه نزلوا الفيصليه
رقم المملكه العالمي 7210
رقم الفيصليه العالمي 6610

واذا شريتي جوال لا تنسين تمرين وتقولين رايك


طاااااااااو

[عبدالله المهيني]

أما أحدد نوع البيجر والله ماأعرف أنواعه

حدد أنت وأنا راضي بذوقك

فوفو

أوكى أنا موافق على الإسم الجديد بس ترى التمايم عليك مو علي

إتفقنا

[شمالي]

النص الأصلي مرسل من قبل aja
لانه مثل الجيب يصبر على الكد ولكن اذكر احبتي ان بعض الناس هداهم الله يضعون جرس الجهاز موسيقا وهذا حرام لان اللجنة الدائمة للفتاء افتت بحرمة ذلك

جزاك الله كل خير ياإجا على النصيحه



أما بخصوص الجهاز فأنا أفضل الكاتل لأن ارساله قوي :D

[ابو غازي]

الله يرجك ياطااااااااااااااط

حتى الجوال ماسلم منك :(

انا افضل الجوال طاااااااط اسف اثريه ماهو جوال هذا الفاضي :o :D


:D :D :D

اقتباس:
--------------------------------------------------------------------------------
النص الأصلي مرسل من قبل aja
لانه مثل الجيب يصبر على الكد ولكن اذكر احبتي ان بعض الناس هداهم الله يضعون جرس الجهاز موسيقا وهذا حرام لان اللجنة الدائمة للإ فتاء افتت بتحريم ذلك
--------------------------------------------------------------------------------

[الفاضي]

طاااااااااااااااط

الفاضي وصل

المهيني وش رايك بالفلبس الي تقل رضمه:D

--------------
اما الكاتيل:eek: والله من حر الاذن:eek:
بعد لا تنسى انه يستخدم بالخنقاة يعني قناه:D

بس انت ما قلتلنا وش نوع الجوال بالضبط

و تسلم يا شمالي على تفحيطتك هنا

--------------------
ابو غازي مشكور على سحبه الجلنط بهذا:D

[عبدالله المهيني]

الفاضي أنا قايلك أني ماأعرف أنواع البياجر

يعني شف النوع الزين وإختاره

بس ماتوهق بواحد مايصلح

ترى الدعوا ذمه

[هـــلا]

تعرف يعني أهم شيء يكون شكل الجوال حلو

وياليته من اللي اقدر أغير لونه على حسب لون اللبس

أنا جوالي النورس

وحابته أو بالأصح والفته

صغير وخفيف وسهل الإستعمال

والبطارية تطول تقعد يومين إذا انا اكلم كل شوية

وإذا ما كلمت تجلس اربعة يعني ممتازة

قولوا لا إله إلا الله

:p :p تخاف من العين :p :p

بس فيه عيب بسيط

صوت دقته وااااااااااطي يعني إذا بالشنطة ما اسمعة بوضوح

الرهيب

لانه مثل الجيب يصبر على الكد ولكن اذكر احبتي ان بعض الناس هداهم الله يضعون جرس الجهاز موسيقا وهذا حرام لان اللجنة الدائمة للفتاء افتت بحرمة ذلك

مشكور على النصيحة والله يجهلعا في موازين حسناتك

بس زيادة على ميزة التحمل اللي فيه صوته عااااااااالي

وسلامتكم :D

[الفاضي]

طااااااااااااط

الفاضي وصل

المهيني

لا ماعليك الجوال هذا ممتاز ولد عم الرهيب بالصبر

-------------------------
يا هلا والله وغلا بهلا والله وغلا :D

غريبه جوالتس ما تبطي بطاريته :eek: انا جوالي كااااااارف ابوه ما يطفي ويقعد 4 ايام :D

لا جوالتس مازين به خراب :D طيعي شوري بيعيه :D انا اشتريه منتس بــ300 ريال :eek: وش قلتي :D
<<<<<<<<<يا شين النصابين :D

اما عن مشكله الصوت فهذي المشكله الوحيده خصوصا بالنورس والمسكت :confused: الظاهر عشان حجمهن :D

----------------------
ملاحظه:
لا يحق لاحد ان يدعوا على الفاضي اذا باع جواله وتبين فيما بعد انه شغال وليس فيه اي مشاكل<<<ما يقصد هلا والله وغلا :D
------------------------

طاااااااو

[سالم]

وش رايكم بالنورس

[هـــلا]

أنا مو خبلة حتى أمشي ورا شورك

تصدق اني ما احب اطول بالجوالات إلا هذا طولت فيه ولا ابي ابيعة عناد فيك

إلا إذا جبت لي سعر زين