المساعد الشخصي الرقمي

مشاهدة النسخة كاملة : إيطالي .. يبيع قماش في حائل .. وش قصته ..!!


طاب الخاطر
26-11-2002, 21:31
بسم الله الرحمن الرحيم
الحمد لله رب العالمين والصلاة والسلام على أشرف
الأنبياء والمرسلين سيدنا ونبينا محمد ابن عبدالله خير
من أرسل للعالمين .. أما بعد

فقد أتانا قبل ليلتين شخص
يدعي أنه ( إيطالي ) ويروج
لبيع قماش يحمله معه
ونزل الرجال القماش
ويقول أنه أنجليزي أصلي
ويشقه و ( يمططه ) ويرجع كما كان
طبعاً يشقه بقلم معه
بصراحة ودي أعرف سالفته..؟

وبعد ما شفنا بضاعته قلت له
أنت وين ساكن قال ( ********)
غرفه رقم ( **** ) وبعد ما عرف أني ماني شاري منه شي
قام وزعل وصار وجهه ألي يضحك أول مادخل مكشر
وانقلب 180 درجه يعني يا تشري مني واضحك لك
أو ما تستفزني تنزل بضاعتي تتفرج بس...!!!
نفس شينه وجلد مروح ..
بصراحه أشك أنه إيطالي على كلامه ..!!
يتكلم عربي مكسر وباين شكل ألي يتصنع الكلام ..!!

وش سالفه هذا الرجل...؟


تحيات أخوكم بالله

طاب الخاطر
الوطني
26-11-2002, 22:34
اقولك وش قصته

هذا طال عمرك
يصووووووووور الكميرا الخفيه ؟؟؟؟؟؟؟؟؟؟؟؟؟


او برنامج صادووووووووووووة

ههههههههههه

ويمكن صادك
طاب الخاطر
26-11-2002, 22:39
شاكر حضورك

تحياتي
الفيتو
26-11-2002, 22:39
والله مادري ياطاب الخاطر

اول مره اسمع بالرجال هذا

بس وانا اخوك ترا الناس دجت وبدت تدور طرق لنصب ولو نصب الغش
طاب الخاطر
26-11-2002, 22:43
يقول
( الأخ طاب الخاطر

هذا شخص نصاب بس وين فرع التجاره بحايل عن هالنصاب
سبق أن نصب علي شخصي قبل سنتين واشتريت منه ثلاث قطع
يقول صوف أصلي وحتى جرّبه يولع فيه النار ويطفيها ولايحترق
الثوب
ويوم رحت فيه للخياط ضحك الخياط الهندي يوم قلت هذا أصلي

قال لي هذا بابا قماش أندونسي ما فيه كويس ...

يمار تقل مصفقني على وجهي .. قهر والله هالخواجه النصاب

يضحك على خلق الله

أقول أهل حايل طيبين كل يضحك عليهم ... وين انت يازيد

عن هالخواجه الله لايحله لابالدنيا ولابالاخره

جزاك الله خير ياطاب الخاطر اللي فتحت موضوع في غاية الأهميه )

هذا ما نصه الأخ
يعني نصاب عيني عينك

حسبنا الله ونعم الوكيل أين وزارة التجارة والجوازات و..و..و


تحياتي
فوفو
27-11-2002, 11:44
:D :D :D :D :D

والله مولع فيك ها الأيطالي:D

عادي يااخوك ياكثرهم هاالنصابين حبكت عليه ....

اقوووووول خليه يترزق بس:D :D

شكله كشخه ايطالي يمكن يقرب لــ باتستوتا:D

تشكراتي خيو طاب الخاطر

واذا تم القبض عليه عطنا خبر

يالليل ماطولك :D
عبدالعزيز
27-11-2002, 16:51
إن هاتف فرع الوزارة لايمكن الإتصال به الآن ..فضلآ لاتتصل أبد وشكرآ:D :D


تشرفنا ياطاب الخاطر بهالفرصة السعيدة:)
الداعيه / براك الفريسي الجربا
27-11-2002, 16:55
السلام عليكم



هذا الاطالي جانا قبل 13 سنه وباع علينا قماش في بيتنا في حائل وكان يصب عليه مادة ويحرق فيه ولا يحترق بس من هذاك الوقت وهو موجود صراحه غريبه


بس مادام الرجال ساكن بالفندق اذاً الرجال معين خير عندنا


عسى الله يرحم حالنا



وياهلا
طاب الخاطر
27-11-2002, 21:36
طوط طوط طوط
هاتف مكافحة التسول ووزارة التجارة


تحياتي
قصر خراش
30-11-2002, 15:20
قبل سنتين كان موجود بالرياض وقابلته , بس وقتها يقول انه انجليزي ... اشك في ذلك وأظن انه تركي (ارمني ) من لهجته المكسره بألانجليزي !!!!!!!
شكله قصير القامه ممتلئ عمره بالخمسينات (شعره نصفه ابيض)
فعلا نصاب .............
طاب الخاطر
30-11-2002, 23:36
هذا عمرة يمكن بالثلاثينات وشعره أشقر
وقصير ومتين شوي
الله حسيبه


تحياتي
صقر الشمال
04-12-2002, 18:14
النصابين كثروا مثل ما كثرا ( شحاذ لمتد)



الله يكفينا شرهم




..




.
طاب الخاطر
04-12-2002, 23:17
تحياتي
المهاة
07-12-2002, 13:18
يظهر انهم شبكة نصب لانه فعلا انا كنت مع احد اقاربي من سنتين في السيارة صباح الخميس عند باب البيت بعدنا مامشينا و استوقفنا الرجل الخمسيني و قال انه ايطالي و معه القماش بس نعجبكم ماعطيناه وجه ..!!

للمعلومية احنا في الرياض .. :)
الفيتو
08-12-2002, 07:58
البشاااااااااااااااااره ياطاب الخاطر

هذا الله يسلمك بعد السؤال المستمر عن هذا الرجل

بلفعل طلع رجال قديم وكان يبيع جكيتات ولكن هذه السنه يبيع قماش

هذا الله يسلمك فلسطين اصلا يدعي الاطاليه والسبب نوع من النواع النصب

هااااااااااااااااه تشوف :D
طاب الخاطر
09-12-2002, 21:50
وين وزارة التجارة عنه
وين مكافحة التسول
وين ووين...؟


أشكرك أخوي على التبيين

تحياتي