لأن الكمال لله و الخطأ وارد
أرجو تنبيهي عن كل قصيدة لم تنشر أو اختلاف وضع قصيدة الشاعر في غير رقمه
أو أي ملاحظات أخرى تتسع لها القلوب قبل العيون !
،
،
( المشاركة الأولى )
وقت الفجر تهب هبة رياحــــــــــــي
في ساعة-ن- فيها تشوف القمر طاح
فنجال كايف يجلب الانشراحـــــــــي
منه صويب القلب يشرب ويرتـــــاح
النور شق الليل والهم باحــــــــــــي
واثر الزمن بوجيه الأحباب قد راح
تنام عين الظلم والحق صاحــــــــي
ليه الفرح يهاب من جور الاتــراح
/
( المشاركة الثانية )
ياعبيد صب لي مايزيد انشراحي
فنجال صين وشوفته تزيد الأفراح
بأرض خضار وبارق الوسم لاحي
وريح النفل يطرب خفوقك اذا فاح
ياماحلا الجلسة بذيك النواحي
أنا اشهد إن الهم من عقبها راح
في دار قوم(ن) يخفضون الجناحي
ومنهم يعوّد ضايق الصدر مرتاح
/
( المشاركة الثالثة )
الله على ريم الفلا يوم لاحي .. أنا أشهد إن الضيق عن صدري انزاح
وأنا أشهد إنه بلسم للجراحي .. ومن دون وصله تقلب أفراحي أتراح
دونه كما غصنٍ بصلف الرياحي .. تلعب بي الأشواق مع كل مرواح
لا الليل ليل ولا صباحي صباحي .. ولاني عنه سالي ولاني بمرتاح
يالله عسى يرجع لذيك الضواحي .. ويرده الله بالسلامة ليا راح
/
( المشاركة الرابعة )
وليالفينا الشيخ والهم راحي
والكل منا طاب فاله ومرتاح
بعد العشاء وفنجال ميه قراحي
وسوالف يطربلها كل منصاح
نبدا الكلام الي يداوي جراحي
مع رأس قوم للمناعير نطاح
نطلب يد المجمول سيد الملاحي
ونحضا بها ومن ثم تتم الأفراح
الذيب ماهرول عبث يالصحاحي
والحر ماينزل على كل ملواح
/
( المشاركة السادسة )
يا ما حلا الفنجان بأرض سراحي
ريح العويدي ذاعره عقب ما ساح
في ظل سرحه والركايب صباحي
والبال من كثر الهواجيس مر تاح
الفي مال وصوتوا بالمراحي
وشالوا على هجن عليها الحلق باح
/
( المشاركة السابعة )
يامحلا بن(ن)على النار فاحي
في دلة(ن)صفراء بها الهيل فواح
في وسط روض وجنبك الماء قراحي
والقلب يامحمد من الهم مرتاح
وقبل تغيب الشمس تنوي مراحي
وتحمل العزبه وتبحث عن مراح
وتلفي على شيخ(ن)يحب المزاحي
تلغى العشاء والسمن فوق العشاء طاح
/
( المشاركة الثامنة )
يزين شرب الكيف لا جاء قراحي
في فيضة خضراء بها البال يرتاح
البر لا جيته يزيد انشراحي
مع رفقة مابين قرمً و مزاح
لا شك شوف البر فيه ارتياحي
اطرد هجوس الفكر و الهم ينزاح
اسج و اسلا في جميع النواحي
في خايع مربع عليه الوسم طاح
/
( المشاركة العاشرة )
يا ما حلا لأضحيت عقب الصباحي
---------------وثنيت فنجالٍ بِكِر وقت الاصباح
بدوٍّ خلا به تستغيل البطاحي
---------------عقب المطر والطير بالجوصدّاح
ونادى المنادي عقب ما الفي ساحي
---------------وكلٍّ أشال ولا توانى ولا ارتاح
شالوا على جيوبٍ هدد له جناحي
---------------وسمه من اليابان بصمه ومفتاح
وتنحروا شيخ ٍ بذيك النواحي
---------------كريم ما حسب خساير أو أرباح
/
( المشاركة الإثنا عشر )
سجّيت ادوّر بالفجوج ..ارتياحي
والهمّ ضيف ٍ والف الدار ما راح
واوقدت نار/ودلتي من قراحي
في ظلمة ٍ تستر عرا الدمع لاطاح
عامين اخفّي غصتي في مزاحي
واسرج خيول الصبر وآعنّ واجتاح
يتعب مع َ هالناس من كان صاحي
لا فاتت الكلمة على الغير/ لمّـاح !
ويرتاح من هو يمـّـته للصلاحي
ولاْ مرّت الزله ..من الطيب دمّاح!
/
( المشاركة الرابعة عشر )
لاضاق بي وسع السما والمراحي
قريت لي (نجر ٍ) من الهيل صيَاح
حسه يجيب اللي من الهم طاحي
يسلى به وعقب النواكيد يرتاح
ولا شفت ريحان الغرانيق فاحي
صفيته ولون الذهب داخله ناح
ماهو كثير بهار ولاهو شحاحي
موزون مثل المدح بلسان مداح
/
( المشاركة الخامسة عشر )
ياماحلا المسراح عند الصباحي=في ديرة ٍ يطرب لها كل سرّاح
فيها الرواما ترتقص بالبطاحي=تشبه عذارى الملعبه يوم الأفراح
وياماحلا هدّة رفيع الجناحي=في خايعن ماداج به راعي سلاح
مضراب مخلابه سوات الرماحي=من كف أخو نوره إذا صاح صيّاح
ياشيخ هذي رغبتي وإنشراحي=ولا غرّني من يقصد الغرب سوّاح
/
( المشاركة السادسة عشر )
ياشارب الفنجال بأرض صحاحي
لاواهـنـيـك دالـه البال مرتـاح
في ضل سرحه غايتي وانشراحي
ماهي بيوتا ً حط ضبه ومفتاح
وقت الشريف اليوم ولا وراحي
صرنا نحسب للخسائر والأرباح
والبدو شدوا للزلال القراحي
تنحروا شيخ ٍماقال العشاء باح
يازين شدتهم وصوت الصياحي
الياذكر وسم الحيا والمطر طاح
/
( المشاركة السابعة عشر )
يامن يدور راحتي وانشراحي
انا (على ماقيل) بالوضع مرتاح
أمد شوفي في جميع النواحي
على دلالي مكسبي كل الارباح
لاناحين والي ولالي مناحي
اجاوب القمري فرح كان هو ناح
/
( المشاركة الثامنة عشر )
ريحة دلالك ..// صوت نجرك يواحــــي
........ والبن الأشقر شوف عيني ..// ليا فاح
كني بها يابن ..// الشريف الفلاحـــي
........ في ديرةً قفراً به العشب ..// صــياح
هيضـــتني وأنا ..// بعيــد المراحــــي
........ بيني وبين ديارنا بحــــور ..// وإنزاح
لا واوجودي وجد راع ..// الصياحــي
........ طيره غدا ..// ولا معــــه صـيد مـلواح
على مشب النار وأبلي ..// ضــواحي
........ في وقتها ماغبط كثيرين ..// الأربـاح
/
( المشاركة التاسعة عشر )
طلع الحيا شوفه يزيد إنشراحـي
أصبح وأنا من ضيقة البال مرتاح
لا عم وبل الخير مدن و ضواحي
ما أغبطك يا اللي فالبلادين سواح
وان لمتني في جلستي مع مناحي
أخير من جلّسة سميرة وصيّاح
شفي كما شف الشريف المباحـي
بادع بيوتٍ تكسي العاري وشاح
((يا ما حلا الفنجان بأرض براحـي
ريح العويدي ذاعره عقب ما فاح))
/
( المشاركة العشرين )
ياليل من هالليل أطلق سراحي ..
....................... مليت أشعل آهتي فيك مصباح !
مليت من تنهيدتي من جراحي ..
....................... اللي غدت في كف الايام مسباح !
عطني فضا أحلام يمكن صباحي ..
....................... ياخذ يديني من يديني وأرتاح !
/
( المشاركة الحادية و العشرين )
البرق ناض وودق الامزان طاحي ×××ولبست جديد هدومها قاع الافراح
انا اشهد انه سلوتي وانشراحي ××× لو كان ماملك ربع دينار مرتاح
لاصرت في دو ولا به مراحي ××× ولا فيه لا لجه ولا كلــب نباح
املى دلالي من حقوق قراحي ××× من سيل ديم البارحه تو ماطاح
واشب ناري مع نسايم صباحي ××× هذي هي المنوة لو ان العمر راح
/
( المشاركة الثانية و العشرين )
السمر والفنجال والدله قبل الفلاحي
تسوى عندي مجلس اللي للاعراض ذباح
لاصرت في فيضتن منها ريح النفل فاحي
والهواجيس تفصلني عن صايح صاح
وعقب يطري علي شيخٍ به الفكر سواحي
شيخٍ(ن) مـزبـن منهـو لأخـوة ذباح
المفضلات